Tomb (Kreyol Version): A Voices from Haiti Visual Poem

Tout jounen m ap gade yon vil ki detwi 

                       (Josaphat Robert Large)

Chak batiman kraze se yon tomb.

N ap mache sou blòk gri’k kraze ak fè ki mele yo.  

Ti odè lanmò nan lè a toujou;

chak ti zenglen ki ri - seche nan chalè a.

pousyè a, wòch yo, pousyè a, wòch yo. 

Doktè a bay yon souri sere,  

li leve zepòl li pou l di,"Se lavi, - lavi a terib."

Li lonje dwèt li sou beton gri kote lopital la te ye a

li konte dizwit – 

fanm yo nan matènite ak tibebe ki fenk fèt - fanmi yo ap konte dwèt

ak zòtèy - yo te nan dezyèm etaj la -  

nan premye a se mis konpetan yo k te la; 

anlè a se kò kraze ki nan gerizon – 

yo tout antere nan wòch  - 

pandan plizyè jou odè kò dekonpoze yo kouvri po nou,

kounyea, apre solda kask ble yo dezinfekte dekomb yo (yo kòn abitye fè sa deja) li vin’n tolerab –

-lanmò boude nan kwen an, tankou kè nou ki sote a chak fwa nou tande gwonnman.

Vil la danse pou l viv, mizik la ap frape kont dezespwa. 

Yon manmi eskivel pou kamyon an pa frape l.

Latè sa a devore mò ak anpil efikasite, epi nou rete ak tèt nou kouvri ak pousyè,   

je nou ap chèche figi nou rekonèt,  

panda tan sa a kè nou anfwi pou’l rete an sekirite.